Dr. Musli Vërbani

–

Sulejmani a.s. ka qenë i urtë.

E ka folur gjuhën e insekteve, shpendëve dhe kafshëve.

Një ditë prej ditëve e pyet buburrecin:

– Sa ushqim konsumon brenda vitit?

Buburreci i përgjigjet:

– Për një vit më mjaftojnë tre kokrra farë.

Sulejmani alejhis-selam e mbyllë në një kuti.

Në atë kuti vendos tre kokrra farë.

Kaloi një vit.

Sulejmani e hap kutinë dhe befasohet.

Buburreci kishte ngrënë vetëm një farë e gjysmë.

Sulejmani e pyeti buburrecin:

– Ti më the që ke nevojë vetëm për tre kokrra farë,

tani ke ngrënë vetëm një e gjysmë.

Buburreci i përgjigjet:

– Kur jam në liri e di që Allahu nuk më harron në furnizim.

Tani që më ke mbyllur në kuti, nuk jam i sigurt se nuk do të më harrosh,

prandaj kurseva edhe për një vit tjetër.