Dr. Musli Vërbani Shkëputur nga "Besimi në Zotin xh.sh."
Emrat e bukur të Allahut xh.sh.
Tevhid esma – Njësimi i Zotit në emra
Zoti i Lartmadhëruar në Kur’an thotë:
“Allahu i ka emrat më të bukur, Thirreni me ato emra”.
Po ashtu edhe Muhamedi a.s. thotë:
“Allahu i ka 99 emra. Kush i mëson dhe është i bindur, do të hyjë në xhenet”. (Mutefikun alejhi)
Emrat e bukur të Allahut janë:
ALLAH – Emër i përveçëm i Zotit xh.sh.
ERR-RRAHMAN – Veçori e posaçme e Allahut i cili mëshiron në këtë botë në përgjithësi – besimtarët dhe jobesimtarët.
ERR-RRAHIMË – Veçori e posaçme e Allahut i Cili mëshiron posaçërisht vetëm besimtarët në këtë botë dhe në botën tjetër.
EL-MELIK – Ai sundon me pozitën e Tij si dëshiron.
EL-KUDDUS – Ai është i pastër dhe larg ndaj çdo të mete apo mangësie.
ES-SELAM – Ai është që jep paqe për krijesat.
EL-MUËMIN – Ai është besnik në premtimet e Tija për shpërblimin e besimtarëve dhe dënimin e jobesimtarëve.
EL-MUHEJMIN – Ai mbizotëron në mënyrë absolute çdo gjë.
EL-‘AZIZË – Ai është i plotfuqishëm , gjithmonë Triumfues dhe çdo gjë i nënshtrohet vetëm Atij.
EL-XHEBBAR – Ai është i gjithëfuqishëm dhe me përpikëri i ekzekuton dhe i realizon çështjet e Tij.
EL-MUTEKEBBIR – Ai është i Madhërishmi.
EL-HALIK – Ai është që ka krijuar të gjitha krijesat.
EL-BARI – Ai është që ka krijuar çdo gjë prej asgjëje, dhe çdo send e ka zanafillën te Ai.
EL-MUSAVVIR – Ai është që secilit ia ka dhënë formën, figurën dhe veçoritë me u dalluar prej të tjerëve. Ai ka formësua me dëshirën e Tij të gjitha krijesat.
EL-GAFFAR – Ai është që falë vazhdimisht dhe pandërprerë.
EL-KAHHAR – Me fuqinë e Tij, Ai mbizotëron dhe mposhtë çdo send dhe sundon në mënyrë absolute.
EL-VEHHAB – Ai ju jep të gjitha të mirat robërve të Tij. Ai është bujarë, Ai dhuron çdo begati për të cilën kanë nevojë robërit e Tij.
ERR-RREZAK – Ai furnizon të gjitha krijesat me çdo gjë çka u nevojitet atyre.
EL-FETTAH – Ai çliron çdo gjë, Ai zgjedhë çdo çështje dhe Ai sundon gjithçka.
EL-‘ALIMË – Ai është i gjithëdijshëm.
EL-KABID – Ai është që furnizimin e ka në dorën e Tij dhe ia ngushton kujt dëshiron.
EL-BASIT – Ai është që furnizimin e ka në dorën e Tij dhe ia zgjeron kujt dëshiron.
EL-HAFID – Ai është që kriminelët dhe të padrejtit i përul dhe i nënshtron.
ERR-RRAFI’Ë – Ai është që i ngritë në pozita të merituara besimtarët dhe të drejtët.
EL-MU’IZ – Ai është i robërve të Tij, u jep nderë dhe krenari.
EL-MUDHIL – Ai është që kë të dojë e përul dhe e degradon.
ES-SEMI’Ë – Ai është që dëgjon pakufi.
EL-BASIRË – Ai është që sheh gjithçka.
EL-HAKEM – Ai gjykon me drejtësi në mes të robërve.
EL-‘ADL – Ai është i drejti absolut.
EL-LETIFË – Ai është i butë ndaj robërve të Tij.
EL-HABIRË – Ai është i informuar në përpikëri për të gjitha çështjet.
EL-HALIMË – Ai nuk shpejton në dënim, por dënon në kohën që e cakton Ai vet.
EL-ADHIMË – Ai është më Madhështori.
EL-GAFURË – Ai i cili i falë robërit e Tij për gabimet e bëra.
ESH-SHEKURË – Ai është Mirënjohës dhe i shpërblen besimtarët kur e falënderojnë.
EL-‘ALIJJ – Ai është më i Larti.
EL-KEBIRË – Ai është më i Madh sa që mendja e njeriut nuk mund ta paramendojë sa është i Madh.
EL-HAFIDHË – Ai është Ruajtës absolut sa që Atij asgjë nuk mund t’i shpëtojë kurrë.
EL-MUKITË – Ai di gjithçka për krijesat.
EL-HASIBË – Ai llogaritë çka kanë nevojë robërit e Tij dhe u jep çka kanë nevojë.
EL-XHELILË – Ai është më Fisniku dhe më i Nderuari.
EL-KERIMË – Ai është më Bujari dhe më Fisniku.
ERR-RREKIBË – Ai vigjilon çdo gjë dhe nuk mund t’i mungojë asgjë.
EL-MUXHIBË – Ai i pranon lutjet e robërve të Tij.
EL-VASI’Ë – Ai është Gjithëpërfshirës dhe i zgjeron me furnizimin e Tij të gjitha krijesat.
EL-HAKIMË – Ai është i Urtë i Ditur dhe Qeverisë me urtësi.
EL-VEDUDË – Ai ju do të mirën robërve të Tij dhe ju sjellë të mira.
EL-MEXHIDË – Ai i cili meriton kulmin e çdo Lavdërimi dhe Madhërimi.
EL-BA’ITH – Ai i cili i ringjallë krijesat pas vdekjes së tyre.
ESH-SHEHIDË – Dituria e Tij është e pakufishme dhe Ai është Dëshmitarë i çdo çështje.
EL-HAKK – Ai është i Vërteti dhe i Pamohueshmi.
EL-VEKILË – Ai përkujdeset për furnizimin e robërve të Tij dhe të gjitha krijesave.
EL-KAVIJJ – Ai ka fortësi dhe fuqi absolute.
EL-METINË – Ai është i fortë dhe i pathyeshëm.
EL-VELIJJ – Ai ka nën mbrojtjen e Tij gjithçka.
EL-HAMIDË – Ai meriton Lavdërim e Falënderim gjithmonë.
EL-MUHSI – Ai është njohës i përpiktë i çdo çështjeje.
EL-MUBDI – Ai ka krijuar gjithçka prej asgjëje dhe zanafilla e gjithçkaje është prej Tij.
EL-MU’IDË – Ai i rikrijon gjërat pasi të humbin dhe të zhduken.
EL-MUHJI – Ai ju ka dhënë jetë çdo gjallese.
EL-MUMITË – Ai ua merr jetën çdo gjallese.
EL-HAJJ – Ai ka gjallërinë dhe jetë absolute.
EL-KAJJUMË – Ai është i përjetshmi dhe i përgjithmonshmi
EL-VAXHID – Ai është i pavarur dhe çdo gjë varet prej Tij.
EL-MAXHID – Ai është i vetmi që meriton lëvdata.
EL-VAHID – Ai është i vetmi, nuk ka zot tjetër pos Tij.
ES-SAMED – Vetëm Atij i mbështetet gjithçka, dhe vetëm Ai mbron dhe ka në kompetencën e Tij gjithçka.
EL-KADIR – Ai ka mundësi dhe fuqi absolute.
EL-MUKTEDIR – Ai është i fuqishëm mbi gjithçka.
EL-MUKADDIM – Ai gradon cilin të dojë.
EL-MUEHHIR – Ai degradon cilin të dojë.
EL-EVVEL – Ai është i pari pa fillim.
EL-AHIR – Ai është i fundit pa mbarim.
EDH-DHAHIR – Ai është i dukshëm me veprat e Tij.
EL-BATIN – Ai është i padukshëm.
EL-VALIJ – Ai është Sundimtarë dhe Udhëheqës absolut.
EL-MUTE’ALI – Ai është i Gjithëlartësuari.
EL-BERR – Ai bën dobi të pandërprerë dhe jep të mira të shumta dhe të panumërta.
ET-TEVVAB – Ai i pranon tevbet dhe fal gabimet.
EL-MUNTEKIM – Ai i ndëshkon me meritë ata që e meritojnë.
EL-AFUVV – Ai falë gabimet dhe nuk dënon atë i cili nuk meriton dënimin.
ERR-RREUFË – Ai është i butë dhe i mëshirshëm ndaj robërve
të Tij. Ai është i dhimbshëm ndaj robërve të Tij.
MALIKUL MULK – Ai është Sundimtarë absolut.
DHUL XHELALI VEL IKRAM – Ai është specifik me cilësitë e Tij madhështore dhe është i përsosur . Vetëm Atij i takojnë nderimet.
EL-MUKSIT – Ai është i drejtë në gjykim.
EL-XHAMI’Ë – Ai është që i tubon krijesat në ditën e Kijametit.
EL-GANIJ – Ai është i pavarur dhe çdo gjë varet prej Tij.
EL-MUGNI – Ai i jep pasuri kujt të dojë.
EL-MANI’Ë – Ai pengon kur të dojë dhe çka të dojë.
ED-DARRË – Ai i dëmton të padrejtit dhe të padëgjueshmit.
EN-NAFI’Ë – Ai i bën dobi të drejtëve dhe të dëgjueshmëve.
EN-NURË – Ai udhëzon në dritë të vërtetë.
EL-HADI – Ai udhëzon në rrugë të drejtë dhe të dobishme.
EL-BEDI’Ë – Ai i ka shpikur krijesat dhe i ka krijuar.
EL-BAKI – Ai është i përhershëm pambarim.
EL-VARITH – Pasi të shkatërrohen dhe të zhduken krijesat Ai trashëgon gjithçka.
ERR-RRESHIDË – Ai shpie në rrugë të dobishme.
ES-SABURË – Ai është durimtarë dhe të padëgjueshmit i dënon në kohë të caktuar.
Dr. Musli Vërbani 