Dr. Musli Vërbani

Shkëputur nga "Fikhu i haxhit"

 

Dënimi për shkak të gjuetisë

 

Zoti i Madhëruar në kur’an thotë:

“E ju është ndaluar gjuetia e tokës derisa të gjendeni në Ihram (gjatë kryerjes së haxhit). Frikojuni Allahut para të cilit të gjithë ju do të tuboheni”. (El Maide : 96)

 

Për shkak të gjuetisë gjatë kohës së ihramit janë tri lloje dënimi:

• dënimi me Kurban;
• dënimi me i ushqye të varfrit;
• dënimi me agjërim.

Varësisht çfarë kafshe gjuan në të njëjtën masë prenë Kurban prej kafshëve të buta ose e paguan vlerën e kafshës së gjuajtur.

Dënimi është i paraparë për haxhiun pa marrë parasysh a gjuan me qëllim, pa qëllim ose pse ka harruar.

Kush e gjuan gjahun por nuk e vret por vetëm e plagos atëherë shikohet gjendja e gjahut nëse është plagosur rëndë atëherë prehet Kurban, mirëpo nëse është plagosur lehtë, atëherë jepet Sadaka.