Dr. Musli Vërbani

Shkëputur nga: "Fikhu i agjërimit"

 

Agjërimi kada (kaza)

 

Të gjithë ekspertët jurist islam janë të pajtimit se ai i cili ndonjë ditë apo tërë muajin ramazan nuk e agjëron me arsye (p.sh. për shkak të sëmundjes, menstruacionit,udhëtimit) e agjëron më vonë kada.

Argument për këtë kemi ajetin Kur’anor:

“Dhe kush prej jush është i sëmurë ose në udhëtim (e nuk agjëron), le të agjërojë po aq ditë më vonë”. (El Bekare:185)

 

Ka tregu Aishja r.a. – bashkëshortja e Muhamedit a.s. se kur  ju kanë ardhur menstruacionet në kohën e Muhamedit a.s., ai i ka urdhërua me agjërua kada më vonë.

Ndërsa ai i cili pa arsye nuk agjëron, bën gabim të madh.

Për këtë ka thënë Muhamedi a.s.:

“Ai i cili nuk e agjëron një ditë pa arsye dhe jo për shkak të ndonjë sëmundjeje, nuk mund ta kompensojë (ta bëjë kaza) edhe nëse agjëron gjatë tërë jetës”.

 

Agjërimet kaza janë:

 

Agjërimi i muajit ramazan;

Agjërimi i dënimit (kefaretit);

Agjërimi i zotimit;

Agjërimi nafile (pra e bën nijet me agjërua nafile dhe e  prishë).

 

Koha e agjërimit kada 

 

Nuk lejohet agjërimi kaza në ditët kur është i ndaluar agjërimi, pra në ditët e para të Bajramave.

Po ashtu nuk lejohet agjërimi kaza në muajin ramazan, sepse muaji ramazan është koha e agjërimit të rregullt, e jo koha për të agjëruar kaza. Ngase, agjërimi kaza është agjërimi i çrregullt, ndërsa nuk mundet që agjërimi i çrregullt me zënë vendin e agjërimit të rregullt.

Nëse në atë vit ramazani i ka pasur 29 ditë, atëherë vitin tjetër agjërimi i muajit ramazan kaza agjërohet 29 ditë, edhe pse muaji ramazan në vitin tjetër i ka 30 ditë.

Agjërimi i muajit ramazan mund të bëhet kaza 29 ditë rresht, pra ditë të pandara (pandërprerë), por mund të agjërohet me ndërprerje.

Pra, me rëndësi është me i plotësua ditët, ndërsa mundet me i agjërua edhe me javë të ndara.