Muhamed Ibrahim Selim

Përktheu: Dr. Musli Vërbani

Shkëputur nga: "Planprogrami për edukimin e fëmijës në bazë të Kur'anit fisnik"

Parimet për përmirësimin e vetes

1. Mendo në veten tënde, mendo në veten si je krijuar? Prej çka je krijuar? Ai i cili e njeh (kupton) veten e tij, ai e njeh Zotin dhe Krijuesin e tij.
2. Shiko në veten tënde dhe përsosi vlerat tua. Zhvillimi i shoqërisë fillon prej zhvillimit të individit.
3. Atëherë kur njeriu e përsos moralin dhe karakterin e tij, atëherë nuk mund t’i bën dëm askush.
4. Shpëtimtar dhe fitimtar është ai i cili e pastron veten e tij dhe i përulet vetëm Zotit të tij. I dështuar dhe i humbur është ai i cili e njollos veten e tij me mëkate.
5. Në trup ka epshe dhe pasione, mos iu nënshtro epsheve dhe pasioneve në mëkate sepse epshi urdhëron në të keqe.
6. Ti je përgjegjës para All-llahut për lëvizjet e tua, dhe dije se do të jesh përgjegjës për çdo gjë (qofshin edhe më të imtat).
7. Çka të veprosh për atë do të paguhesh (shpërblehesh).
8. Trupi yt është amanet në duart tua, për këtë arsye ti je përgjegjës për mbrojtjen e tij nga zjarri.
9. Edukoje veten që të duroj se durimi është gjysma e imanit.
10. Për çdo çështje, para se ta qortosh shejtanin qortoje veten tënde.
11. Gjithmonë siguroje veten tënde dhe kërko mbrojtje prej Zotit nga e keqja e cytësit të vesveseve.
12. Largohu nga shokët e këqij që të mos humbasësh nga rruga e drejtë pasiqë je udhëzuar.
13. Metodologjia e jote le të jetë fjala e mirë.
14. Mësoje veten të jesh mesatar, ruaju nga teprimi dhe shkapërderdhja.
15. Bëhu i sinqertë, se rrenacakët nuk kanë shpëtim.
16. Fol mirë dhe vepro mirë ashtu siç All-llahu të ka bërë mirë.
17. Ruaje dëgjimin tënd dhe shikimin tënd nga e keqja se All-llahu ka mundësi të ta merr (dëgjimin dhe shikimin).
18. Shfrytëzoje mendjen tënde dhe aftësitë tua me të cilat All-llahu të ka graduar, e mos i paralizo.
19. Në rrugë të All-llahut thirr me mençuri dhe polemizo në atë çka është më e mira.
20. Përfito aftësi në vete ashtu që të jesh në gjendje ta kuptosh dhe ta dallosh të mirën prej të keqes.
21. Ruaju lakmisë në vetvete, koprracisë, përtacisë, armiqve të All-llahut dhe njerëzve.
22. Mbizotëroje mendjen tënde dhe mos u bëj rob i epsheve dhe emocioneve tua.
23. Mos lejo që të mashtrohesh e tradhtohesh, andaj çdo lajm vërtetoje dhe asnjëherë mos thuaj se e kam parë për një send që se ke parë, ose të thuash kam dëgjuar atë çka nuk e ke dëgjuar, sepse All-llahu do të të merr në përgjegjësi për këtë.
24. Mos dëshiro të kesh gjithçka që kanë njerëzit, do të jesh më i pasuri i tyre. Pasuri e vërtet është pasuria e shpirtit.
25. Ta dish, besnikët janë shumë të fuqishëm, e ti fuqinë tënde kërkoje në besnikëri.
26. Kërko ndihmë dhe mbështetje prej All-llahut sepse All-llahu është i mëshirshëm dhe i përkrah ata që kërkojnë ndihmë prej tij.
27. Bëhu me të dëgjueshmit dhe ata të cilët veprojnë dhe e pasojnë të mirën, atëherë All-llahu do të udhëzojë.
28. Kujtoje All-llahun i cili të ka udhëzuar në Islam, ta ka ndriçuar rrugën e drejtë dhe ta ka mbushur zemrën me dashuri ndaj All-llahut.
29. Përqendrohu dhe përmbaju në atë çka të ka urdhëruar All-llahu, sepse pas imanit vjen përmbajtja dhe përqendrimi (qënd-rueshmëria).
30. Në çdo mbrëmje llogariti veprat tua, para se të të llogariten (para se të vdesësh).
31. Ruaju e mos e dëmto dhe mos e shkatërro veten me duart tua.
32. Mos bëj gabime sepse gabimi të sjellë nënçmim dhe turpërim ndërsa besimtari gjithmonë është bujar, fisnik, i çmuar dhe i fuqishëm.
33. Mos u bëj egoist, mos lakmo të kesh vetëm për vete. Natyrshmëri e muslimanit është që veten e le keq për t’u bë mirë tjerëve.
34. Nëse mizëron veten (i bën padrejtësi vetes) kërko falje te All-llahu.
35. Mos e tepro, dhe mos e ngarko veten më shumë se sa ke mundësi. Dera e shpresës gjithmonë është e hapur.
36. Ke kujdes mos fsheh në vete çështje të cilat sjellin hidhërimin e All-llahut ndaj teje.
37. Maturia është koka e ilaçit ndërsa teprimi është sëmundje.
38. Shejtani është armik i të gjitha kohërave, mos i paso hapat e tij, por bëhu armik i tij.
39. Mos e ngarko veten me atë çka nuk ke mundësi por me atë çka ke mundësi.
40. Fitimi dhe vdekja janë vetëm në diturinë e All-llahut.
41. All-llahu na sprovon neve me të mira ashtu siç sprovon me të këqija.
42. Kush i frikësohet All-llahut dhe e ndalon veten nga epshet, vendbanim e ka xhenetin.
43. Ai që i kalon kufijtë të cilat i ka caktuar All-llahu ai i ka bërë padrejtësi vetes së vet.