Dr. Musli Vërbani

Shkëputur nga: "Fikhu i namazit"

Namazi me xhematë

 

Namazi me xhemat është sunet muekede (i fortë). Argument kemi hadithin e Muhamedit a.s. ku thotë:

“Namazi me xhematë është më i vlefshëm se namazi vetëm për njëzet e shtatë shkallë”. BUHARIU DHE MUSLIMI

Argument kemi ajetin kur’anor:

“Kur të jesh në mesin e tyre dhe ju falë atyre namazin”. (SURETU NISA : 101)

Në një hadith tjetër Muhamedi a.s. thotë:

“Kush pastrohet në shtëpi pastaj shkon në xhami të cilat janë shtëpitë e Allahut për ta kryer farzin prej farzeve të Allahut për çdo hap i fshihet një gabim dhe për çdo hap tjetër i ngrihet një vlerë”.

 

Kur lejohet mos me u falë me xhematë?

 

Lejohet për mos me shkua në xhami me u falë me xhematë  në këto raste:

–     Të ftohtit e fortë ose shiu i fortë apo bora e madhe;

–     Kur të jetë baltë e madhe dhe rruga shumë e prishur dhe është errësirë;

–     I verbëri i cili nuk ka udhëzues;

–     Sëmundja;

–     Për shkak të nevojës;

–     Kur ushqimi është i përgatitur;

–     Kur të jetë njeriu i lodhur për gjumë;

–     Nëse përdoret ushqimi me hudhër apo ndonjë ushqim me erë të rendë.