Dr. Musli Vërbani

Shkëputur nga: "Fikhu i namazit"

Namazi i xhenazes

 

Namazi i xhenazës është farz kifaje që do të thotë nëse ndonjëri ose disa ia falin namazin të vdekurit tjerët lirohen prej obligimit.

Ndryshe namazi i xhenazës është lutje për të vdekurin.

Në namazin e xhenazës as nuk bimë në ruku as në sexhde dhe as nuk qëndrojmë në uljen e fundit. Namazi i xhenazës fillim e mbarim bëhet në këmbë.

 

Si të veprojmë në namazin e xhenazes?

 

–     Vendoset kufoma para xhematit;

–     Imami qëndron pranë gjoksit të kufomës;

–     Xhemati rreshtohen pas Imamit;

–     Imami dhe xhemati e bëjnë nijetin;

–     Pas nijetit fillon namazi me Tekbirin “Allahu Ekber”;

–     Pas tekbirit të parë këndohet “Subhaneke” duke ia shtuar ”ve xhelethenauke”;

–     Pas tekbirit të dytë këndohen salavatet;

–     Pas tekbirit të tretë këndohet lutja për të vdekurin dhe

–     Pas tekbirit të katërt jepet selam.