Dr. Musli Vërbani

 

Këshilla fisnike

 

Ngjitja e fjalës “ekberu” me fjalën e Allahut

 

Këshilla nr. 8

 

Ngjitja e fjalës “Allahu ekber” me “fjalën Allahu ekber”

 

Teksti i parafundit i ezanit është përsëritja e fjalës “All-llaahu ekber” ku muez-zini e bashkëngjit fjalën  All-llaahu ekber me fjalën All-llaahu ekber

Fjala “All-llaahu ekber” shkruhet “All-llaahu ekberu”, mirëpo rregull i këndimit është që të anashkalohet damme-ja, pra zanorja “u” dhe të bëhet ndalja me sukun pazanorë “All-llaahu ekber”.

Mirëpo, nëse vazhdohet këndimi, atëherë ajo  zanore nuk anulohet, por këndohet All-llahu ekberu.

Shumica mendojnë se bëjnë gabim nëse e ngjisin fjalën “All-llaahu ekberu-ll-llahu ekber” dhe edhe kur ta ngjisin në përsëritjen e këtij teksti e këndojnë “All-llaahu ekber Allaahu ekber”, ndërsa të thuhet kështu është gabim në texhvid ndërsa e rregullt është që të thuhet: “All-llaahu ekberu-Ll-llaahu ekber”.

Për ta sqaruar këtë themi:

Fjala “Allah” është fjala e cila ndonjëherë lexohet lehtë, e ndonjëherë lexohet rëndë.

Shkronja “L” e fjalës “ All-llaah” lexo lehtë kur para kësaj fjale ndodhet “kesreja”. Shembuj: Resuulil-laahi, Bil-laahi. etj

Shkronja “L” e fjalës “All-llaah” lexohet rëndë kur para saj është fet’he-ja ose damme-ja.

Shembuj kur të jetë el fet-ha para fjalës All-llaah: Minall-llaahi Tall-llaahi

Shembuj kur të jetë ed-damme para fjalës Allah: Resuul-u-Ll-llaahi Jensur-u-Ll-llaahu

Njësoj është edhe te bashkëngjitja “All-llaahu ekber-u-Ll-llaahu ekber” sepse damme  qëndron para saj dhe nuk qëndron  el fet-ha para saj.

 

Këshillat fisnike do të vazhdojnë