Dr. Musli Vërbani

 

Emrat e Kur’anit

 

Zoti i Madhëruar, me diturinë e Tij absolute dhe të pakufishme, librin e Tij e ka emëruar me emra të ndryshëm. Prej këtyre emrave po përmendim si vijon:

 

1. KUR’AN –  قرآن

إِنَّ هَذَا الْقُرْآنَ يَقُصُّ عَلَى بَنِي إِسْرائيلَ أَكْثَرَ الَّذِي هُمْ فِيهِ يَخْتَلِفُونَ

“Vërtet, ky Kur’an tregon mbi beniisrailët për të gjitha (çështjet) për të cilat janë konfrontuar (dhe janë përçarë)”.

(En-Neml, 76)

2. FURKAN –  فرقان

Furkan është infinitiv i foljes فرق (Fereka), që do të thotë me nda, e që ka kuptimin – Libri që ndan dhe dallon të vërtetën nga e pavërteta; të keqen nga e mira etj.:

تَبَارَكَ الَّذِي نَزَّلَ الْفُرْقَانَ عَلَى عَبْدِهِ لِيَكُونَ لِلْعَالَمِينَ نَذِيراً

“I Lartëmadhëruar është Ai (Allahu) që ia zbrit Furkanin robit të tij (Muhamedit) që të bëhet për tërë botën pejgamber (këshillues)”

(El-Furkanë, 1)

3. KITAB –  كتاب

Kitab d.m.th. libër që ka kuptim Libri i Allahut.

الْحَمْدُ لِلَّهِ الَّذِي أَنْزَلَ عَلَى عَبْدِهِ الْكِتَابَ وَلَمْ يَجْعَلْ لَهُ عِوَجَا

“Falënderimi i takon vetëm Allahut që ia zbriti robit të vet Librin dhe në të nuk (lejoi) të bëhet kurrfarë shtrembërimi”.

                                                                                    (El-Kehf, 1)

4. DHIKR –  ذكر

Dhikr do të thotë përkujtues, vërejtje, përkujtim, përmend.

وَهَذَا ذِكْرٌ مُّبَارَكٌ أَنزَلْنَاهُ أَفَأَنتُمْ لَهُ مُنكِرُونَ

“Dhe ky është Përkujtimi (Kur’ani) i bekuar (të cilin) e kemi zbritur (atë), e ju jeni që atë po e kundërshtoni?”

                                                                                    (El-Enbija, 50)

  

5. TENZIJL –  تنزيل

Tenzil do të thotë zbritje.

 

وَإِنَّهُ لَتَنزِيلُ رَبِّ الْعَالَمِينَ . نَزَلَ بِهِ الرُّوحُ الْأَمِينُ .

 

“E, vërtet ai (Kur’ani) është Zbritje e Zotit të botëve. E ka zbritur (nëpërmjet) të Shpirtit Besnik”.

                                                                     (Esh-Shuara, 192-193)

 

6. VAHJ –  وحي

Vahj do të thotë frymëzim, shpallje, informim i sekretit, lajmërim i të panjohurës, tregim i të fshehtës.

قُلْ إِنَّمَا أُنذِرُكُم بِالْوَحْيِ وَلَا يَسْمَعُ الصُّمُّ الدُّعَاء إِذَا مَا يُنذَرُونَ

 

“Thuaj padyshim unë ju këshilloj (ju tërhjeq vërejtjen) vetëm me VAHJIN (shpallje) … ”.

(El-Enbija, 45)

 

7. KASAS –  قصص

Kasas do të thotë rrëfim, tregim.

إِنَّ هَذَا لَهُوَ الْقَصَصُ الْحَقُّ

“Vërtet ky (Kur’an) është Tregim (Kasas) i vërtetë”.

(Ali Imran, 62)

      8. RUHË –  روح

وَكَذَلِكَ أَوْحَيْنَا إِلَيْكَ رُوحاً مِنْ أَمْرِنَا …

“Ja kështu Ne ta shpallim ty Kur’anin (RUHIN) me urdhrin Tonë”.

(Shura, 52)